بىلتىر بۇل وڭىردە 22 619 جاڭا جۇمىس ورنى اشىلعان. ونىڭ 14 897-ءى – تۇراقتى جۇمىس ورنى. جۇمىسپەن قامتۋ ورتالىقتارىنا حابارلاسقان ادامداردىڭ تۇگەلگە جۋىعى جۇمىسقا ورنالاسىپتى.
-مەملەكەت باسشىسى قاسىم-جومارت توقاەۆ ءوز مالىمدەمەسىندە «جۇمىسپەن قامتۋ جول كارتاسى» اياسىندا وڭىرلەردە ناقتى جوبالاردى جۇزەگە اسىرۋدى تاپسىردى. وسىعان بايلانىستى بيىل اتىراۋ وبلىسىندا 20 586 جاڭا جۇمىس ورنىن اشۋ جوسپارلانىپ وتىر. جىل باسىنان بەرى 1479 تۇراقتى, 1932 ۋاقىتشا جۇمىس ورنى اشىلدى. «جۇمىس ورىندارىن قۇرۋدىڭ ينتەگراتسيالانعان كارتاسى» اقپاراتتىق جۇيەسىنە مەملەكەتتىك, سونداي-اق وڭىرلەردى دامىتۋ باعدارلامالارى بويىنشا ماماندىقتار بولىنىسىنە قاتىستى مالىمەتتەر ەنگىزىلۋدە, -دەدى سەرىك قاميدوللا.
ونىڭ ايتۋىنشا, قازىر اتىراۋ وبلىسىندا 3 ءىرى ينۆەستيتسيالىق جوبا جۇزەگە اسىرىلۋدا. ولار – «تەڭىزشەۆرويل» جشس-ءنىڭ وندىرىستىك قۋاتىن كەڭەيتۋ, «كرى» سەرىكتەستىگىنىڭ گاز-حيميالىق كەشەنىنىڭ قۇرىلىسى, سونداي-اق, NCOC كومپانياسىنىڭ جوبالارى. بۇل جوبالارعا تارتىلعان مەردىگەر, سونىمەن بىرگە, قوسالقى مەردىگەر مەكەمەلەردىڭ سۇرانىسىمەن بوس جۇمىس ورىندارىنا وتاندىق ماماندار ورنالاستىرىلۋدا.
جۇماسات عازيز
